استنكر مدونون على مواقع التواصل الاجتماعي، تصريحات محمد سعد، رئيس امتحانات الثانوية العامة، بأن سبعة آلاف طالب بالثانوية العامة، يستحقون زيادة درجات، معربين عن دهشتهم من تلك النسبة الكبيرة.

وقال سعد، في بيان، أمس: “إن إجمالي عدد الحالات المستحقة للزيادة بالنسبة للطلاب المتظلمين من نتائجهم في امتحانات الثانوية العامة، حتى أمس، بلغ (7039) حالة وفقًا للإحصاءات الواردة من الإدارة العامة للامتحانات”.

وعلقت Mahy Hishmat قائلة: “منظومة التعليم من أصغر عامل لوزير التعليم نفسه ” فاشل” فمجتش ع الدرجات اللي الطلبة عاوزينها..محدش بيدرس اللي بيحبه بسبب نظام عقيم..  ومحدش بيشتغل في مجاله بسبب إن الواحد محتاج سنة ولا اتنين علشان ياخد كورسات علشان يتوظف فمكان كويس دة لو مكنوش اكتر من كده”.

ورد Teemo Teemo مستنكرا أن يتم رسوب الطلاب وإنقاص الدرجات، ثم يظهر بعد ذلك أنهم ظلموا، يقول: “يا سلام بجد أومال سقطو ليه من الأول؟ بتهزروا معاهم؟”.

وعلق رجب حذيفة، ساخرًا، في إشارة إلى قصة الطالبة مريم التي حصلت على صفر في امتحانات الثانوية، وثبت بعد ذلك أنها ظلمت: “وطبعًا أولادكوا وأولاد اللي بيرشوا عليكوا أحق بيها من ولاد الفقراء، زيادة إيه ياأخي إدوا الأول كل واحد حقه وشوفوا الطالبة اللي إنتوا حطمتوها بسبب رشاويكوا وزورتوا وإدتوها صفر في كل المواد بفسادكوا”.

وقالت ‏‎Elia Ibrahim‎‏: “يدل على عدم الدقة في التصحيح وعدم وجود ضمير لبعض المصححين، أو بمعنى آخر عدد المصححين قليل ومطلوب الانتهاء في زمن قليل لا يتناسب مع كم أوراق الإجابة المطلوب تصحيحها يعني إدارة الكنترول فاشلة ومديرها ليس لديه خبرة”.

وأضاف Karam Aslan “المشكلة بكل تأكيد تكمن في أن منظومة التعليم في مصر المفروض تكون هي أساس نهضتنا.. لكن طبعًا العكس هو اللي حاصل”.