تعرضت قرية داوود، التابعة لمركز مناشي سنورس بمحافظة الفيوم، للغرق في مياه الشرب؛ وذلك بسبب انفجار في إحدى مواسير مياه الشرب الرئيسية بالمدينة الصناعية بمطقة كوم أوشيم.
وانفجرت ماسورة المياه بالمدينة الصناعية صباح اليوم الأربعاء، وتسبب في تكوين برك مياه وبحيرات صغيرة من مياه الشرب في الشوارع، والتي امتدت إلى داخل المنازل، مما تسبب في استياء أهالي.
والتقت شبكة “رصد” سكان القرية، حيث قال أحدهم ويدعى أحمد عزوز: “إحنا عالحال ده بقالنا كتير، كل يومين نصحى من النوم على المنظر ده، وبيوتنا غرقت والشوارع غرقانة من كتر المياه“.
وأضاف جابر توفيق، عامل بمصنع المكرونة: “من أول ما الماسورة ما انفجرت وإحنا بنتصل بناس شغالة في مجلس المدينة، وروحنا مقر مشروع المياه علشان يوفروا لنا العمال وعربيات الكسح، قالوا لنا حاضر ومشينا وماحدش عبرنا بعديها لحد ما القرية غرقت”.
كما عبرت السيدة صباح سعد، عن استيائها من تقاعس وإهمال المسؤولين، قائلة: “إحنا من زمان بناشد المسؤولين يشوفوا المواسير دي علشان دي مش أول مرة تنفجر، وطالبنا بتغييرها لكن المسؤولين مش مهتمين بالقرى، أهم حاجة هما يلبسوا جديد كل يوم ويركبوا عربيات واحنا هنا مش عارفين نعيش من المياه اللي مغرقة بيوتنا.. يا ريت تتحركوا شوية وتساعدونا.. حسبي الله في كل مسؤول مش شايف شغله ومابيساعدش الناس”.
