تعاني قرية كفر كلا الباب بمركز السنطة بالغربية، من انقطاع الكهرباء بصورة يومية مرتين كل يوم 3 ساعات نهارًا ومثلها ليلاً.
يقول محمد السيد، صاحب ورشة حدادة: الكهرباء كل يوم بتقطع مرتين واحنا ناس غلابة ودخلنا على قد شغلنا ومطلوب مننا شغل لكن الكهرباء لما بتقطع مبنعرفش نشتغل، الكهرباء بتقطع فترة الظهر ثلاث ساعات وبالليل ساعتين كل يوم.
ويضيف إبراهيم محمود (جزار): “اللحمة بتتلف مننا يعنى الاسبوع اللى فات رميت ربع عجل ، خربوا بيتنا الله يخرب بيتهم ، مش عارفين نعمل ايه مع الكهرباء ودا حالنا و حال كل الجزارين فى المنطقة لما الكهرباءتقطع كل يوم اكتر من خمس ساعات او سته نخزن اللحمه فين نروح نقعد فى بيتونا ونأكل اولادنا منين”.
وتعلق ريهام طه، ربة منزل: “الكهرباء اتلفت لنا كل حاجه فى الثلاجه مش عارفين نخزن حاجه خالص تنفعنا فى ظل غلاء الاسعار ده اللحمه والخضار اللى فى الثلاجه اترمت كلها ، اكتر من كده خراب بيوت وخربوا بيتنا ومعدش فيه حاجه ،منهم لله حتى شغل البيت والغسيل اصبح بمواعيد”.
