استنكرت عائشة الشاطر، كريمة خيرت الشاطر، نائب المرشد العام لجماعة الإخوان المسلمين والمعتقل بالسجون المصرية، ما يتعرض له ذوو معتقلي سجن العقرب من الإهانة والإيذاء أثناء الزيارة.

ونشرت “الشاطر” -عبر حسابها على “فيس بوك”- صورة لطابور طويل من أهالي المعتقلين، أثناء انتظارهم لزيارة ذوييهم فجر اليوم، مشيرة إلى أنهم بعد انتظارهم خمس ساعات، تبلغهم إدارة السجن بإلغاء الزيارة.

وقالت -في تعليقها على الصورة-: “طابور بادي من قبل الفجر تقف فيه وبعد أربع أو خمس ساعات فيه بمنتهى البساطة يتقال للأهالي جات تعليمات الفجر إن الزيارة اتمنعت لسجن العقرب ويالا امشوا”.

وأضافت: “ومش مهم الناس اللي جايه واقفة مقهورة لانها مأجرة عربية مخصوص وجايين من آخر الدنيا من سوهاج ومتحركين من بلدهم من اليوم اللي قبله، ولا مهم عندهم الراجل اللي واقف هيعيط من القهرة يقولهم حرام عليكم ده الزيارة مكلفاني ألف جنيه بجيبهم بالعافية، ولا مهم الطفلة اللي واقفة تعيط وغايبة من مدرستها مخصوص علشان تزور أبوها، ولا الأم العجوزة اللي أولادها جايين مسندينها وبعد ما وقفت في الطابور ده كله تتمنع تشوف ابنها، مش مهم كل ده .. المهم إن التعليمات جات بمنع الزيارة وهو كده وخلاص”.