شهدت مواقع التواصل الإجتماعي موجة من التعليقات الساخرة من قرار عبدالفتاح السيسي بفرض ضريبة علي تذاكر السفربواقع 400 جنية، كما دشن نشطاء هشتاج #أفرض_ضرائب_كأنك_السيسي للسخرية من الضرائب التي يفرضها السيسي.
.jpg)
جاءت التعليقات :
– أيمن علي :”السيسي يصدر قرارًا جمهوريًا بـ”الشخلخة” يا “زغللة”.
– حسام علي :”400 جنيه عشان تعدي!، يعني هربنا في الصحراء قولتوا اماكن عمليات و محظورة ، نهرب بره علينا ضرايب ، نقعد في بيتنا علينا ضرايب ، اومال لو مكناش #نور_عينيك_كنت_عملت ايه”.
– علي إبراهيم :”سيتم دفع ضريبه على الهوا اللي الشعب بيتنفسه.
.png)
– أحمد هاني :”القرار القادم هيكون هياخدوا نص الحاجات اللي في شنطة أي واحد راجع من أم الغربة”.
– أيمن مصطفي :”نحط عدادات علي مناخير كل واحد وييجي كشاف أخر كل شهر يشوف اتنفست قد إية ولا الأكسجين دة ببلاش”.
وأضاف :”وبعد موضوع عداد المناخير نحط بردة عداد ع جزمة حضرتك وييجي كشاف يشوف مشيت قد اية اصل الأسفلت مش ببلاش ولا إية”.
– محمود هشام :”دخول الحمام ببلاش لكن و انت خارج تدفع ضريبه، اومال هنقولك شوفيتم كدا ببلاش!!”.
– صبري شافعي :” وعندك واحد ضريبة كمان على العيال المعترضين على الضريبة الاولة”.
– حسين جمعة :”انت جاي تهزر صح دا المفروض الدوله اللي تقولنا خدو فلوس تمن غربتكم عشان احنا مش عارفين نوظفكم ولا نشغلكم بس طبعا ده مستحيل وهي الضريبه يعني مش شغاله الا علي الطبقه الكادحه واعتقد 90 %من الشعب بقي من الطبقه دي .. ارحمو من في الارض يرحمكم الله”.
– ريهام حماد :”انت ياض .. تعالى ياض .. انت فاكر انك تقدر تسافر وتسيبها عادي كده؟ هنقرفك ياض لغاية آخر لحظة”.
