موجة من التعليقات الساخرة و”الكوميكسات”؛ من إذاعة الإعلامي أحمد موسى مقطع فيديو من لعبة قديمة على أنه تسجيل من سوريا للطيران الروسي وهو يضرب “داعش”.
وأثار هذا الفيديو موجة من السخرية على مواقع التواصل الاجتماعي؛ حيث دشن نشطاء هشتاج “#غرد_كأنك_أحمد_موسى” للسخرية من أحمد موسى، وشهد الهاشتاج تفاعلًا كبيرًا، وقال عبدالرحمن نجم “إن الذي وضع المقطع يعلم جيدًأ انه كاذب ومتسق تمامًا مع كونه كذاب ودجال ونصاب حقير، ولكن: هل بيفترض أن جمهور المدعو أحمد موسى أنهم في منتهى الغباء وانعدام التمييز الكامل لدرجة أنهم هيصدقوا إن هذا المقطع اللي واضح جدًا إنه “ثري دي جرافيكس” وقديمة ومؤثرات صوتية بتاعة لعبة، والمشهد كله واضح إنه لعبة فيديو، وكمان بيتكلموا في المشهد بالإنجليزي”.
وقال أحمد سالم: “إن الذي وضع الفيديو يعلم أن الموضوع سيكشف بين فئة معينة من الشباب اللي هيفضحوهم على السوشيال ميديا.. بالتالي هيكونوا بعيد عن شريحة ضخمة من جمهور أحمد موسى من الناس المعتمدين على التلفزيون كوسيلة تواصل مع العالم”.
وقال ممدوح حسن: “إن أحمد موسى امبارح جايب فيديو من لعبة Call Of Duty وبيقول شوفوا الروس وهما بيقصفوا داعش.. يا ريتها كانت بركت عليك يوم ما ولدتك”.
وأضاف علي إبراهيم “ناقص يجيب فيديو من فيفا 16 ويعرض إنجازات المنتخب فيها”.
وتابع شريف أسامة: “ولو الواد اللي في الحرب مات “اعمل بلاي اجين يا مخرج تاني… أيوة”.
وقال أيمن بكر: “والله الإعلام بيشتغلنا فعلًا، بس مش عارف الغيب فيهم ولا فينا كشعب بنصدق أي حاجة”.
وسخر ممدوح أشرف قائلًا: “وقام المجندين بعمل شفرة عدم الموت عشان التراب بتاع خط بارليف ميطرفش عنيهم”.
وأضافت زينب شريف “مين اللي create الحرب دي ياجماعة؟ أكيد الثغرة حصلت عشان الـnetwork هنجت”.
وكتب الناشط محمد منسي: “تصوير دقيق لضابطين من القوات الخاصة الروسية أثناء تنفيذ عملية في ريف حلب الشمالي ضد داعش”.
وأضاف صبري علي “على كده لو اتقفشت وأنا بلعب red alret مش بعيد يقبضوا عليا بتهمة تكوين خلية مسلحة و التخطيط لهجمات إرهابية”.
وسخر حسام بشير قائلًا: “أنا عملت حادثة خبط واحد بالموتسيكل مات وجريت، بس أنا حاسس بالذنب لإنه كان غلبان، أنا كنت بدوس على البنات في لعبة جاتا وهو اللي طلع قدامي مرة واحدة”.
وأوضح مؤمن أسامة “الفيديو ده مش دليل على استحمار شعب… الفيديو ده دليل على إن مصر عندها مخابرات هبلة وشوية جهلة بيتحكموا فيها وآخر عهدهم بالتكنولوجيا كانت أيام رأفت الهجان… ثانيًا معد ومخرج ومذيع على قدر عالي من الغباء والجهل.. ثالثًا.. إنهم يخاطبون فئة معينة من الشعب… في نفس اليوم لواء إستراتيجي وخبير عسكري مش عارف الست الرباعية بتاعت تونس الجهل يحكم مصر”.
