انفعل عبد الفتاح السيسي، أثناء كلمته بالندوة التثقيفية اليوم، موجها حديثه للإعلاميين: “أحد الإعلاميين قال إن السيسي إزاي يقعد مع سيمنز وشايف إسكندرية بتغرق.. عيب مايصحش كده”.
وتابع السيسي قائلا: “مش بتقولوا كل حاجة فيها كارثة هو القطاع ده (قطاع الإعلام) مافيهوش كارثة ولا إيه؟ خلوا بالكم اوعوا تخلوا الناس تفقد الأمل”.
وكان الإعلامي خالد أبو بكر في برنامج “القاهرة اليوم” قد انتقد لقاء الرئيس بالشركات، وتاركًا الأزمات التي تمر بها البلاد، في إشارة للأزمة التي شهدتها محافظة الإسكندرية بعد هطول الأمطار بكميات كبيرة وغرق الشوارع وبعض المناطق بها.
وقال “أبو بكر”: “إن السيسي قعد 13 مرة مع رئيس شركة سيمنز الألمانية، وطول ما الرئيس بيقعد مع رئيس شركة سيمنز بنفسه، تعرف إننا ما عندناش كوادر”.
وقال للسيسي: “مش عاوزين عاصمة إدارية جديدة بس عاوزين الناس تعيش، الصح إننا نعمل أي حاجة عشان الناس تعيش وبعد كده فكر في الانطلاق”.
كلمة السيسي:
