قال الفنان محمد عطية إن الحكم العسكري الحالي تسبب في انهيار كافة المجالات في مصر، قائلا: “التطبيل والشعارات غير مطلوبين”.

وكتب “عطية” منشور له عبر صفحته الرسمية على موقع “فيس بوك”، قال فيه: “الشماتة غير مطلوبة والتطبيل والشعارات برضه غير مطلوبين.. يعنى الناس اللي مقضياها لحد دلوقتي تحيا مصر وأنا مع مصر وتعالوا مصر.. وإحنا وراك للنهاية.. هو في نهاية أكتر من كده ؟”.

وأضاف: “صدقني كل ده لا هيودي ولا هيجيب .. وبيزود الطينة بلة .. الوطنية عمرها ما كانت شعارات ولا تقف مع الفشل وتكابر عشان اخترته.. اللي بيحصل دلوقتي نتيجة لفشل أمني.. عاوز تعترف بده إعترف عاوز بقي تقضيها تحيا مصر وخير أجناد الأرض ونظرية المؤامرة تمام.. يبقي زيك زي اللي بيشمت بل أسوأ.. غرق المدن.. الإقتصاد اللي بينهار… السياحة اللي إنضربت.. الظلم و القمع.. كل الحاجات دي مرتبطة ببعضها.. مرتبطة بإن مافيش خطة ومافيش رؤية و مافيش مسئول بيتحاسب”.

وتابع “عطية” منشوره قائلا: “وكل الأماكن والمناصب ماسكها ناس من الجيش.. مش معقول هنفضل نقول ثور تفضل تقول إحلبوه.. الحكم العسكري فشل تاريخيا مع كل الدول والدول المتقدمة بتتحكم مدني.. وإزاحة الجيش عن الحكم مش معناها إنهيار الأمن ولا عدم الوطنية ولا كره للجيش.. الجيش هيفضل يحميك حتي لو مش في الحكم.. زي ما وزارة الصحة دورها صحة وعلاج المواطن حتي لو مش في الحكم.. المؤسسات بتقوم بدورها من غير ما تحكم.. ده اللي العالم كله ماشي عليه .. أرجوكم كفاية”.َ

واختتم بقوله:” البلد بتضيع وهتفضل تضيع طول ما إنتوا مصممين إن الحكم العسكري لازم يستمر.. إقروا التاريخ.. بصوا للدول المتقدمة.. والله إحنا لا بنكره الجيش ولا عاوزين البلد تقع .. كفاية .. عودوا لثكناتكم أبوس إيديكم”.