سجل هاشتاج “رايح شرم” الأعلى تداولًا لدى رواد موقع التواصل الاجتماعي “تويتر”؛ وذلك عقب مغادرة عدد كبير من السياح الأجانب لشرم الشيخ، عقب تحذيرات أطلقتها العديد من الدول للمطالبة بعدم التوجه إلى هذه المنطقة بعد حادث الطائرة الروسية التي تحطمت السبت الماضي.

وانقسم المغردون ما بين داعين للذهاب إلى شرم الشيخ لإنقاذ مصر من أزمتها، وما بين ساخرين من هذه الدعوة، مؤكدين أن هموم المواطنين فاقت الحد وسط تهاون السلطة في حل الأزمات.

سياحة داخلية

دشن الهاشتاج عدد من المغردين، الذين يروجون للسياحة الداخلية، ولدعوة المصريين للذهاب إلى شرم الشيخ لإقناع الشعوب الغربية أن مصر آمنة.

قال HOSAM ADEL ELSAYES: “سيبونا نبني بلدنا وبعد كده ابقوا قلثوا “اسخروا” ولا حتى اشمتوا… بس سيبوا اللي عاوز يشتغل يشتغل وكفاية ولولوه.. مصر حلوة وغنية”.

كتبت مصرية وافتخر: “كفاية انك تصحى الصبح تبص من فراندة غرفتك تشوف المنظر الساحر ده للعلم جميع الفنادق والقرى ترى البحر”.

وعلق anomamohamed: “أحلى بلاد الدنيا بلادي، هشجع بلدي واروح انا وولادي، اتفسح واكيد الأعادي، ولازم اقف معاكي”.

وطالبت‏ kokydraz، وزير الطيران بعمل تذاكر طيران مخفضة لشرم الشيخ، للقضاء على أكذوبة عدم التأمين بمطار شرم”.

استهجان وسخرية

سخر الإعلامي أسامة جاويش: “الشعب المصري كله محتاج يقف فعلًا “ورا السيسي في المرحلة دي وكل واحد واللي ربنا يقدره عليه بقى #مايصحش_كده #انا_مع_مصر”.

وقال إبراهيم منعم: “عاوزك وانت رايح شرم كده تحول عملة صعبة حتى لو هتخسر مش مهم، المهم تفيد مسر، حتى لو هتسيب شغلك وولادك يسيبوا دراستهم فدا مصر”.

واستنكرت Rude Regez الدعوة قائلة: “المصريين فاكرين انهم لما يروحوا شرم هيدعموا السياحة؟.. المصري اللي بيرمي أكياس شيبسي في البحر وبينزل باللباس وعوامة الكاوتش؟”.

وعلقت شبكة البدرشين: “شرم اللي اليهودي بيدخلها ببطاقته والمصري بيدخلها بتصريح من الأمن؟”.

 وسخر ‏ramy: “لو هروح عن طريق البر أو البحر، لأني لو روحت طيران ممكن يفجروني”.

وقال ahmad yusuf: “مين الحمار اللي عمل الهاشتاج دا #رايح_شرم، مصر بتغرق والأسعار نار والناس مش لاقية تاكل وانت عاوزهم يعملوا فيها سياح !انت عبيط ياله !!”.