يعاني أهالي قرى العزة والجزائر والدواجن والعشرة آلاف والبنجر، الواقعة على الطريق الصحراوي بمحافظة الإسكندرية، من استمرار انقطاع مياه الشرب لليوم السابع على التوالي دون سبب يُذكر.
وتعرضت القرى لانقطاع مياه الشرب، وذلك لتقليل الضغط على شبكة الصرف الصحي، وذلك بعد كارثة غرق الإسكندرية، إثر تعرضها لتساقط مكثف لمياه الأمطار، بحسب الأهالي.
وفي تصريحات خاصة لـ”رصد” تحدث الأهالي عن المشكلة، حيث قال أحمد رمضان “المياه مقطوعة بقالها أسبوع ولما اشتغلت يوم كانت ملوثة ونازله من الحنفيات سودة والمياه المعدنية اصحاب المحلات هنا بيبيعوها بضعف تمنها والله ده ما يرضي حد”.
فيما سخر محمود الصناديدي “احنا بنشتري مياه معدنية عشان نشرب طيب هندخل الحمام كمان بيها؟!“.
وأضاف عمرو الدمرداش: “فيه ناس هنا مش لاقيين يشربوا. وفيه بعض الشباب من الأهالي راحوا اخدوا خزانات مياه وملئوها من مناطق تانية، بس خزان او اثنين هيكفوا قرية كبيرة زي دي ازاي. والناس مفيش فلوس يشتروا مياه والله العظيم ذنبهم في رقبة الرئيس والحكومة اللي مش مهتمين غير بالمناصب الله يخرب بيوتهم وينتقم منهم “.
