أجبرت وزارة التموين التجار بمحافظة الغربية على صرف بدل الخبز بضاعة رديئة من مخازنها، لكن التجار رفضوا ونظموا وقفة احتجاجية أمام الوزارة الخميس الماضي، لكن لم يستجب أحد من الوزارة إلى مطالبهم.
وفي حوار لشبكة “رصد” مع أحد تجار التموين، قال: “وزارة التموين حاليا بتلزمنا كتجار إننا نشتري من عندهم لفرق العيش، والبضاعة اللي الناس محتاجاها مش عندهم أصلا لأن معظم بضاعتهم رديئة ومجهولة المصدر، أو من مصانع القوات المسلحة”.
وأضاف: “25000 تاجر رافضين هذه القرارات لأنها مش في صالحنا ولا في صالح المواطن، وكانوا عاملين وقفة أمام الوزارة الخميس اللي فات احتجاجا على قرارات وزارة التموين، من الآخر الحكومة عايزة تشغل شركاتها وفروعها وتحتكر السوق”.
وتابع التاجر قائلا: “هي بقت خراب بيوت للناس ولتجار التموين ولتجار الجملة، شكاوى التجار كتيرة جدا سواء على مستحقاتهم المالية المتأخرة أو الفلوس اللي بنبيع بيها كل شهر، اللي بيطلع عنينا على ما بيحولوها للبنك”.
وأوضح أنه “لا الوزير ولا أي حد قاعد في التكييف على مكتب بيشوف البضاعة الرديئة دي، هنا موجود كيس سكر تموين من شركة الجملة مليان حصا وزلط”.
واختتم التاجر حديثه قائلا: “يا ريت يرحمونا من مافيا وعصابات فروع الجملة لأنهم على مستوى الجمهورية مش عندنا بس”.
