سادت حالة من الغضب بين المواطنين القاطنين بشارع أحمد شوقي بمدينة سنورس بالفيوم والباعة الذين تم نقل سوقهم -عنوة- إلى ذلك الشارع؛ بسبب غرق الشارع بمياه الصرف الصحي؛ ما أدى إلى فساد بضاعتهم بسبب مياه الصرف الصحي التي تغرق الشارع بشكل شبه مستمر.
وفي حديث لشبكة “رصد” مع المواطنين حول الموضوع، علق شعبان محمد، أحد الأهالي، قائلا: “الشارع واقف وزحمة دايما بسبب البائعين، كمان لقينا مياه الصرف مغرقة الشارع.. حرام كده ده كتير لازم حد من المسؤولين يساعدنا في الهم ده”.
وقالت سماح محمود، إحدى البائعات في الشارع: “يعني مجلس المدينة نقلنا هنا غصب عننا وقلنا ماشي، لكن كمان يسيبولنا الشارع غرقان بالشكل ده يبقى ماينفعش خالص.. لازم يرجعونا مكاننا الأول أو يشوفوا حل في المية دي”.
وأضاف حمادة جمال، سائق توكتوك: “أنا على طول بعدي بالتوكوك من الشارع ده بوصل الناس، بس لما البياعين نقلوا سوقهم للشارع الشارع بقى ضيق جدا، زيادة علة كده المياه مغرقة الشارع، كده مش عارف أمشي في الشارع خالص بسبب القرف ده، لازم رئيس مجلس المدينة ينزل يشوف الشوارع الطين دي”.
