قال عبدالفتاح السيسي، إن دخول مياه الشرب إلى المنازل يكلف الدولة 40 مليون جنيه دون النظر إلى تكلفة الصرف الصحي، مشيرًا إلى أن المواطن يحصل على مياه شرب بتكلفة أقل من تكلفتها الحقيقية والدولة لن تستطيع أن تستمر في دعم المياه وتقديم الخدمة بتلك الطريقة بعد ذلك وليس لديها القدرة على ذلك.

وأضاف السيسي خلال افتتاح عدد من المشاريع بمدينة 6 أكتوبر، اليوم السبت: “إذا كنا احنا بندور على الأجيال القادمة وحريصين أن نربي أحفادنا بشكل جيد، مش هنعيش ونسيبهم يواجهوا مصيرهم”، مشيرا إلى أن تكلفة متر مكعب من المياه بـ160 قرشًا لا تكفي وهو سعر أقل مما تستطيع الدولة تحمُّله.

وعن مشكلة العشوائيات قال السيسي: “إحنا مش بنضحك على المصريين، لازم العشوائيات متهزمناش، المصريين جدعان ومستعدين يعرفوا المشكلة اللي إحنا فيها، ودي حكايتنا”، مطالبا المصريين بالاطلاع على المشاريع الجديدة.

وأشار “السيسي”، إلى أن حجم الإسكان المطلوب سنويا حوالي نصف مليون وحدة سكنية والبناء العشوائي يسابق الدولة، مضيفًا: “انت عاوز تعمل ترفيق لـ500 ألف وحدة في السنة ده بكام؟ وبمنين؟، أنا كحكومة وكدولة وبتصدى لتحدياتي ازاى واتكلم مع الناس ازاي، عاوزة افهمه ان احنا كده.. عشان المطلوب مش موجود”.

واستطرد: “احنا مبنضحكش على المصريين لانهم عارفين ان احنا قادرين سويا على التصدي للمشكلات  ولا يمكن أن نسمح أبدا أن يكون عندنا عشوائيات، شوفوا حل”.

وأثارت تصريحات السيسي سخرية رواد مواقع التواصل الاجتماعي، حيث كان من بين التعليقات؛

يوسف حسين “مقدم برنامج جو تيوب”: “السيسي بيقول للمصريين “أنا مش هقدر أدعم المياه أكتر من كده ..ولازم تتدفعوا “. ياريس دوس وإحنا معاك .. ده أنا لو منك أبيع الهوا في أزايز”.

مقدم البرامج أسامة جاويش: “#كفته_تايم السيسي يهدد المصريين برفع الدعم عن المياه، صحييييح اللي ضيع مياه النيل في أثيوبيا لازم يقلل استهلاك الشعب للمياه في مصر عشان يوفر”

الكاتب الصحفي سليم عزوز: “السيسي سيرفع دعم الماء.. الدولة متقدرتش..كل حاجة الدولة متقدرتش! هي الدولة واضح انها متقدرتش غير على أنها تعتقل…”.

عصام تليمة: “الوحيد الذي يعمل على إسقاط الانقلاب وانتصار الثورة في مصر، دون خلاف أو انشقاق عبد الفتاح السيسي، لو ترك لأدائه، لكفى، لكن الذي يطيل من مدة بقائه أداؤنا نحن”.

‏Ahmed Khatab: “السيسي للمصريين: نجيب لكم فلوس منين ؟! من أرباح قناة السويس الجديدة، أو من المؤتمر الاقتصادي أو العاصمة الجديدة .. الخير كتير”

Yasmine El-Khateib: “عايزين نبني بلدنا ونكّبرها ونفرح بيها”.. ده مش نشيد أطفال .. ده من كلمة السيسي النهارده في إفتتاح محطة مياه الشرب في ٦ أكتوبر”