تداول رواد موقع “تويتر”، هاشتاجًا بعنوان “كلمه_لtedata”، وهي أكبر شركة للإنترنت في مصر، للسخرية من سوء الخدمة.

جاء بعض التعليقات:

– آلاء: “انتي شركة جميلة وطعمة، يارب اشوفك بتولعي ويطفوكي ببنزين، والمطافي تيجي بنفس سرعة النت بتاعكو”.

– محمود علاء: “اقفلوا الشركة وافتحوها تاني”.

– مجرد شخص: “انا بقترح يسموها تاتا تاتا، انسب من تى داتا”.

– كريم: “فتحت تويتر علشان اوجه كلمة لـ تي داتا بس للأسف النت فصل”.

– محمود علاء: “انتوا سارقين وصلة وبتوزعولنا”.

-حنان الشناوي: “ربنا يديكوا على أد سرعتكوا”.

-العطعط”: “مش عارف اكتب كومنت، النت زفت”.

– بطوط: “أبوس ايديكوا نفسى اتهنى بالنت فى الساعة اللى بقعدها بعد المذاكرة”.

– محمد عاطف: “اتصلت بيهم بقولهم في ناس بتشتمكو ع تويتر ومطلعين عينكم، رد عليا واحد اقفل تويتر وافتحه تاني، لأه بقى ده انت حيواان بقي”.

– محمد طلعت: “انا بدفع 140 جنيه.. دا غير الـ50 بتاعة الأرضي، واقسم بالله التويته دي هتاخد وقت علي ما تترفع”.