أثارت تصريحات عبدالفتاح السيسي عن التنمية الشاملة في مصر موجة من السخرية علي مواقع التواصل الاجتماعي، حيث قال السيسي، إن معدلات نمو التنمية الاقتصادية مرتفعة برغم الأزمات الاقتصادية التي يشهدها كل دول العالم.
وأضاف السيسي، خلال كلمته بافتتاحية منتدي إفريقيا 2016 بمدينة شرم الشيخ، :”أن عام 2063 سيكون رؤية أفريقية لتحقيق التنمية الشاملة”.
وقال أيمن علي :””السيسي يعد المصريين بتحقيق التنمية الشاملة في عام 2063 بعد وفاة جميع المصريين ما عدا أفراد الجيش والشرطة والقضاء”.
ونقل “ميزو” حواراً افتراضياً بين السيسي وأحد أفراد الشعب: “السيسي: سنحقق التنمية الشاملة في 2063 – ولو جت سنة 2063 ومحققنهاش يا ريس؟ السيسي: ساعتها هأقولكم “المهم نبقى كدة”.
وسخر كرم: “والله احنا شعب بيتسربع وخلاص، ما الريس قال في 2063 هيحقق التنمية الشاملة مش كل شوية بقي نقرفه”، وسخر عادل: “إحنا نديله فرصة لحد سنة 2063 محققش التنمية الشاملة أهو ميدان التحرير مقفول”.
وأضاف آخر: “سنحقق التنمية الشاملة لمصر قبل ما القيامة تقوم بساعتين كده”.
وعلق عمرو عبدالهادي، عضو جبهة الضمير، قائلا: “احنا نستنى لغاية 2063 ولومحصلتش التنمية أهو ميدان التحرير موجود وننزل نطالب بإسقاط حفيد السيسي من الحكم”.
.png)
وقال محمود علي :”ساعتها هيكون الجنيه انقرض و احنا انقرضنا مش عارفة ليه السيسي مصر يستغبي الشعب ده .. كلامك مستفز و مش بتكحلها اقسم بالله بتعميها اكتر”.
وقال حسين جمعة :”احنا نبتدي من 2016 ونستنى التنمية 2063 ونموت في 2020 . شكلك فاهم يا نصه”.
أيمن علي قال :”لو عشنا انشاء الله وكان لينا عمر بس لو محصلش تنمية انا هوصي حفيدي انو ينزل 25 2064 ويطالب بعودة الرئيس السابق حسني مبارك ربنه يطولنا في عمره”.
وأضاف شريف محمود :”يعنى أنا دلوقتي شاب من شباب مصر الى المفروض يبنى مصر تمام؟ فانا بقى استنى لـ2064 يبقى عمرى 71 سنه عشان اشوف التنميه؟ يعنى كل مهمتى دلوقتى اربى اولادى و احفادى بس عشان هما اللى يبنوا مصر يعنى دلوقتى مهمتى كلها انى ابقى داده ياخى احمس”.
وسخر محمود شريف قائلًا :”فيها ايه لما نستني بس ياجماعه عادي جدا ….البلد واقعه ربنا يكون في عونك ياريس بيتعب ياجدعان ادعولوا ربنا يكرمه كده وهوا هينغنغنا ميصحش كده”.
ونشر أحد النشطاء صورة قائلًا أن هذا حال المواطن المصري بعد سماع تصريح السيسي :”لزم أعيش ل 2063″
وأضاف خالد مرعي :”طب ما تخليها 2073 علشان نحتفل بالتنمية الشاملة ومرور 100 سنة علي نصر اكتوبر بالمرة”.
وقال ناصر علي :”خلاص نصبر لحد 2063 بس اقسم بالله أول يناير 2064 لو مالاقيناش تنمية لنعمل ثورة ونشيلك”.
وأضاف خالد أشرف :”الراجل بيثيت رجله عشان ماحدش يقوله ارحل غير لما يكمل 50 سنه، هو مش اقل من مبارك ولا ايه، ميصحش كده”.
