اشتكى أهالي قرية طبهار التابعة لمركز إبشواي بمحافظة الفيوم، من الانقطاع المستمر لمياه الشرب ولمدة ساعات طويلة من اليوم، وأن المياه لا تصل المنازل إلا في ساعات متأخرة من الليل، ورغم ذلك تكون ضعيفة للغاية ولا تصل إلى الطوابق المرتفعة، وطالب الأهالي محافظ الفيوم للتدخل من أجل حل المشكلة ومعرفة أسبابها.
ووثقت شبكة “رصد” استغاثات بعض أهالي القرية، فقال محمد حمزة: “مياه الشرب لا تصل نهائيًا إلى منازلنا إلا في أوقات متأخرة من الليل، وطول النهار قاطعة، فالأهالي بتخزن جراكن المياه علشان يشربوا منها”.
وأضافت أم جمال عرفة: “المياه قاطعة طول النهار ومش عارفين نعمل أكل ولا نشرب ولا نغسل الملابس، وبنملأ من القرى المجاورة، ويا ريت محافظ الفيوم يحل لنا مشكلة المياه لأنه الشريان الأساسي للحياة”.
وأشار محمد حسام، صاحب مطعم: “أنا من صباح ربنا وأنا مابعتش بجنيه، بسبب انقطاع المياه، ومعايا عمال عايزين أجرتهم، أجيب منين دلوقتي؟ وموضوع المياه ده مستمر كل يوم، وبيتي هيتخرب علشان حالنا وقف، وعلينا إيجار المحل والضرايب، يا ريت محافظ الفيوم يعالج المشكلة”.
