شنت قوات مباحث المصنفات بالبحيرة والبلدية حملة إزالة على عدد من أكشاك الباعة الجائلين بمركز حوش عيسى وعدد من المحلات التجارية بالمركز.
انتقدت الأهالي هذه الاجراءات دون توفير بديل للباعة، بالإضافة إلى غياب الرقابة عن هذه الحملات ما يتسبب في تمادي القائمين عليها في سرقتهم ونهبهم للسلع دون رقيب.
يقول أحد أصحاب الأكشاك: “نروح فين ما هو لو فيه محلات ولا دكاكين كنا أجرناها ولو فيه سوق عدل كنا رحنا فرشنا فيه انما مفيش”.
ويضيف آخر: “البلدية بقت شوية حرامية وبس مفيش عليهم حد بيراقبهم اسمهم بيشيلوا الفرش ويتسرق وتتسرق البضاعة ومفيش حد بيراقب ولا بيتابع واحنا عيالنا تموت من الجوع ولا فيه وظايف في الحكومة طب مش عاوزين نتوظف مش سايبنا نجيب حتى أكل عيالنا وبيحاربونا فيه ليه”.
ويعلق محمد عبدالعال، صاحب أحد المحلات التجارية: “المصنفات بقت حاجة مقرفة والله.. تعنت وسرقة عيني عينك مهو مفيش حد بيراقبهم وبينصصوا مع البهوات إلى المفروض يتابعوهم ويراقبوهم”.
ويقول محمد رضا – شاب -: “الداخلية مش فاضية غير للغلابه الى بيجروا على أكل عيشهم والمتظاهرين انما تدور عليها فى اللى بيتعاركوا بالسلاح ويقفوا الطريق بالاربع ساعات مش موجوده وتجار المخدرات ليل نهار مش موجوده ،انما مظاهره ولا عيل غلبان فارش بشوية بلاستيك ولا شوية هدوم دول الى ياخدوا بالجزم وتجرى علشان تمسكهم “.
