قال المذيع عمرو أديب، إن ما شهدته مصر من أحداث وأزمات خلال الأيام الماضية، وخصوصًا جمعة الأرض، يؤكد أن ما يحدث الآن “هو تعثر.. والسيارة ترجع إلى الخلف”، مؤكدًا أن خطة تعطيل مصر وإبعاد عبدالفتاح السيسي من حكم مصر ما زالت مستمرة.
وأضاف أديب، خلال تقديمه برنامج “القاهرة اليوم” على قناة “اليوم”، أمس من نيويورك، “في ناس كتير كانت مهللة ومطبلة قرروا يبيعوا السيسى ويغسلوا إيدهم منه تمامًا”، مفسرًا أن “لسه عندنا الثورة فوبيا، وبعض الناس حسوا إن ما يحدث الآن شبه 25 يناير، وأنه واضح أن الراجل ده مش مكمل، وخافوا وقرروا ينطوا من الأتوبيس”.
وتابع: “فيه معارضين للسيسي على طول ودول عندهم مشكلة معاه وهما أحرار عايزين يمشوه مش عايزينه ينجح في الانتخابات الجاية عايزين يعملوا انتخابات مبكرة، ده مجتمع ديمقراطي، إنما اليوم أخص بالذكر الناس اللي كانت بتروح الاتحادية، الناس اللي كانت بتروح الرئاسة، ومنهم من قرر أن السيسي يرحل”، موضحًا أسباب تراجع بعضهم أن “منهم اللي خاف، ومنهم من كان متخيل أنه هيبقى قريب أكتر وديه مشكلة السيسي لأنه لم يعطي أحد شيء ولم يقسم التورتة، وهو لم يلعب سياسة حتى الآن ويتحدث من المبادئ والدين، ومنهم من رأى أن هناك ثورة قادمة”.
