احتشد صباح اليوم عدد هائل من طلاب المرحلة الثانوية العامة بمحافظة الفيوم؛ لحجز الدروس الخصوصية للعام الدراسي القادم، وتوافد الطلاب من جميع مراكز المحافظة وجميع الصفوف الثانوية للمبادرة بالحجز.
وبسبب احتشاد الطلاب واختلاط الشباب بالفتيات، تم رصد العديد من حالات التحرش أمام أعين المُعلمين بدون أي رد فعل منهم، كما تسببت هذه التجمعات في إثارة الضوضاء والفوضي بجوار لجان الثانوية العامة المجاورة لمقر السنتر، وقدموا شكاوى للشرطة ولكن الطلاب ظلوا في المكان حتى الساعة الواحدة ظهرًا.
وفي استطلاع لآراء الطلبة الموجودين بالمكان قال سعد عامر: “التعليم عندنا في المدارس فاشل ولو لاقيين شرح في المدارس مش هناخد دروس، لكن للأسف مفيش مراقبة من وزارة التربية والتعليم ولا في مدرسين عندهم ضمير”.
وقال حسام محمد: “التدريس بقى تجارة بالطلاب في مصر، المدرس زي الجزار كل همه ياخد فلوس والطلبة تروح عنده درس، والحصة الواحدة وصلت 20 و 25 جنيهًا ده غير فلوس الحجز. حرام كده احنا اهلنا هيجيبوا الفلوس دي منين لازم الوزارة تهتم بالمدارس الثانوية شوية”.
وقالت إحدى الطالبات “أنا كنت جاية عشان أحجز درس لكن لقيت هنا سفالة وقلة أدب بزيادة، الشباب مع البنات وتحرش ومش عارفين نقف في مكان، وأنا شوفت بعيني حالات تحرش كتير لكن مفيش حد بيتكلم والمدرس واللي شغالين معاه كل همهم ياخدوا الفلوس والطلاب يحصلهم اللي يحصل”.
