هاجمت الفنانة “زينة”، على مواقع التواصل الاجتماعي، الفنان أحمد عز، بعد نشر الأخير صورة له معلقًا على حكم براءته من تهمة السب والقذف في حقها.
وكتبت زينة عبر صفحتها الشخصية على موقع إنستجرام” معلش بقي انا ماكنتش ناوية اعلق بس بصراحة كدبك اللي مالوش نهاية بيستفزني جدا…اولا مبروك براءتك من قضية السب والقذف في حقي ولو ان مبروك من تهمة دي مش حاجه تشرف اوي يعني انت ما اخدتش جائزة نوبل!! وكده كده ماكنتش هاسيبك تتسجن علشان ولادك مايبقاش ابوهم رد سجون”.
وأضافت: “ارجع بقي من لندن اللي انت مستخبي فيها يا دكر ماتخافش مش دي صورتك هناك، اما بقي لو جبت سيرة ولادك وقضية النسب دي تاني هايكون ليا تصرف تاني معاك وبالقانون لان القضية دي اتقفلت لآخر يوم في عمرك، بطل كدب وبطل تضحك علي الناس لان الناس مش هبلة وخلاص اتلهي في شغلك ومعجباتك اللي تعرفهم معرفة شخصية من قلتهم”.
وتابعت: “وكفاية بقي فلم محترم ده علشان ماحدش بيصدقه غيرك الناس عرفت حقيقتك وياريت تبطل تستغبي الناس …والاهم من ده كله لو كان تم الحكم عليك كنت هاحس ان ربنا بيحبك وبيكفر عنك في الدنيا ….لكن الحمد لله حتي يبلغ الحمد منتهاه حسابك عند رب العالمين شايلهولك كله في الاخره ومافيش اعظم من حساب ربنا … وابقي روح لربنا قله اقسم بالله، يارب اشوفك وانت بتتحاسب يارب”.
وكان “عز” قد كتب على صفحته بعد حكم براءته “بحمد ربنا وأشكر فضله وأثق في القضاء المصري وكنت واثق في البراءة لأني معملتش حاجة غلط وتربيتي إن الإنسان دايما لازم يكون محترم في كلامه حتى لو الناس غلطت فيه، وربنا اظهر الحق وهنستمر في قضية النسب لآخر يوم في عمرنا، بشكر كل الجمهور اللي ساندني”.
وأقامت “زينة”، دعوى خلع من “عز” من المقرر أن تفصل فيها محكمة الأسرة يوم 26 فبراير المقبل.
وحصلت زينة على أحكام نهائية بنسب أبنائها إليه وكذلك نفقة شهرية بحكم محكمة يقوم بسدادها وطلبت زيادتها حتى تتمكن من توفير معيشة للأطفال تناسب نفس مستوى والدهم من الناحية الاجتماعية.
