نشرت قناة «مكملين» تسريبًا صوتيًا لضابط مخابرات يُدعى النقيب أشرف الخولي مع الإعلامي عزمي مجاهد بشأن إعلان القدس عاصمة «إسرائيل».

وكان الرئيس الأميركي دونالد ترامب، قد أعلن في 6 ديسمبر الماضي، القدس عاصمة «إسرائيل»، ووصفت دول عديدة قرار ترمب بأنه انحياز فاضح للاحتلال الإسرائيلي.

وقال «الخولي» لـ«عزمي»: «يجب التركيز على معاناة الشعب الفلسطيني، وأن الانتفاضة والحرب ستضر بالشعب الفلسطيني المسكين»، مضيفًا: «هتفرق ايه القدس من رام الله».

وأضاف: «لابد من الحديث عن علاقات قطر وتميم بإسرائيل، وحماس أيضًا، وأن مصر مستعده لتحمل أي شئ من أجل مصالح الشعب الفلسطيني ووقف معاناته».

ورد «عزمي» قائلًا: «سأتحدث أيضًا عن الدول العربية الأخرى التي سقطت ولماذا التركيز على فلسطين فقط»، ووعد «عزمي» النقيب «أشرف» بالحديث عن الموضوع في الحلقة.

وبالأمس، كشفت صحيفة «نيويورك تايمز» الأميركية، عن تسريبات تتحدث عن قبول عبدالفتاح السيسي برام الله عاصمة لفلسطين بدل القدس.

وجاءت المكالمة ونصها كالتالي:

النقيب أشرف: بقولك

عزمي: بعد البتاع يا عم بعد الـللـ..

النقيب أشرف: موضوع القدس، موضوع العاصمة، القدس دي اللي هما عايزين يعملوه جديد. إحنا برضه عايزين نكلم الناس التوجه إن إحنا أهم حاجة عندنا معاناة الشعب الفلسطيني تتوقف. يعني إحنا مستعدين إن إحنا

عزمي: طب أنا طب أنا عايز عايز أقول لحضرتك حاجة، أقول لحضرتك حاجة: أنا فكرت في جزئية تانية، قلتلهم إحنا مع القدس ومع الشعب الفلسطيني، النهاردة أنتو بتتكلموا ع القدس، الله.. طب ما بتتكلموش ع العراق اللي راحت ليه، وسوريا واليمن التعيس وليبيا.

النقيب أشرف: ما آه آه مظبوط، أهم حاجة المعاناة، المعاناة.

عزمي: أربع دول راحت

النقيب أشرف: بص هتفرق إيه القدس من رام الله؟!

عزمي: يا بيه معان.. معاناة الشعب الفلسطيني… نعم

النقيب أشرف: هتفرق إيه القدس من رام الله

عزمي: بالظبط كده؛ لكن إن إن إحنا اااا تلات زُع.. تلات رؤساء اتقتلوا بطريقة واحدة وفي يوم واحد، وتلت أربع دول راحت في ستين داهية؛ اعرفوا بقى إحنا في نعمة ولا لأ!

النقيب أشرف: امممم اممممم

عزمي: بصوا حواليكو وقولوا إحنا الحمد لله ولا لأ، مش تيجي تكلمني في إزازة زيت وكيلو سكر.

النقيب أشرف: اسمعني بس دلوقتي إحنا عايزين

عزمي: الله… أنت

النقيب أشرف: اسمعني ياكابتن، إحنا عايزين اللللـ

عزمي: أيوة

النقيب أشرف: عايزين نقول إن إحنا واقفين جنب الشعب الفلسطيني، وأهم حاجة توقف المعاناة

عزمي: أيوة

النقيب أشرف: معاناة الشعب الفلسطيني، وإن إحنا مستعدين إن إحنا يعني نساعد الشعب دااااااااااا بكل ما ما ما ما نملك، يعني من وو، ونحاول نديهم التسهيلات الـــ المطلوبة.

عزمي: خد بالك، خد بالك، أنا أنا خد بالك إن أنا من أول الناس اللي اللي خيطوا حماس ودغدغ دين أبو حماس أنا،

فاهم إزاي؟! فأنا برضه هاتكلم، أنا بافصل بين حماس والشعب الفلسطيني.

النقيب أشرف: وتقول إن تميم وقطر لهم علاقات سرية مع إسرائيل يعني، أنت عارف طبعًا

عزمي: آه لها علاقات واضحة جدًا، آه طبعًا طبعًا طبعًا، ماشي عنيا عنيا، أجيبها في حلقة النهاردة إن شاء الله.

النقيب أشرف: ماشي ماشي.