حصلت «قناة مكملين» على تسريبات جديدة لمكالمة هاتفية بين ضابط المخابرات أشرف الخولي ومقدم البرامج جابر القرموطي بشأن اليمن.
ومنذ مطلع الأسبوع، كشفت صحيفة «نيويورك تايمز» عن تسريبات تخص الضابط المخابرات يتحدّث مع مقدمي برامج وممثلين ويوجههم فيما يقولونه بشأن اعتراف ترامب بالقدس عاصمة لـ«إسرائيل» وضرورة رفض القرار على الرغم من الموافقة المصرية.
وأثارت التسريبات حالة من الجدل؛ خاصة مع وجود تحريض على حركة حماس وقطر، وضرورة الحديث عن تجنب دعم الانتفاضة الفلسطينية لأنها تضر بالأمن القومي المصري.
تسريب القرموطي
وقال «الخولي» لـ«القرموطي»: «محتاجين إحنا بس نستنكر الطريقة البشعة في التعامل مع علي عبدالله صالح، المنظر حتى من باب الإنسانية وكده». وأضاف: «أنت عارف الوضع في النهاردة في اليمن بقى مربك جدًا، وممكن السعودية تحاول ترمي على الإخوان هناك وكده».
وجاء نص المكالمة كالتالي:
الخولي: بقول لحضرتك
القرموطي: أهلاً بيك
الخولي: كنا عايزين بس من حضرتك الـ النهاردة موضوع الـ اليمن، محتاجين إحنا بس نستنكر الطريقة البشعة في التعامل مع علي عبد الله صالح، المنظر حتى من باب الإنسانية وكده.
القرموطي: آه هو بس النهاردة اللي شغال خالد صلاح، أنا شغال بكرة وبعده إن شاء الله.
الخولي: تمام تمام، إحناااا، فاللي شغال النهاردة خالد صلاح، إحنا هنتواصل مع خالد؛ بس برضه إن شاء الله يعني بكرة النقطة دي بس مهمة جدًا؛ لأن إحنا، أنت عارف الوضع في النهاردة في اليمن بقى مربك جدًا، وممكن السعودية تحاول ترمى على الإخوان هناك وكده.
القرموطي: ماشي حاضر
الخولي: فمحتاجين إن إحنا نعمل التوازن ده
القرموطي: ربنا يسهل إن شاء الله بإذن الله
الخولي: متشكرين جدًا
القرموطي: اللي فيه الخير يقدمه ربنا
الخولي: إن شاء الله
القرموطي: في أي طلبات ولا أي حاجة يا فندم
الخولي: لا زي الفل ماشي الحال الحمد لله رب العالمين
تمام
ماشي الحمد لله رب العالمين
تمام تمام
أشكرك يا فندم
متشكرين شكرًا جزيلاً
مع السلامة
مع السلامة
