شبكة رصد الإخبارية
follow us in feedly

وزير التربية والتعليم: «إحنا مش بنعمل فنكوش.. إحنا بنعمل حاجة عظيمة»

قال «طارق شوقي» وزير التربية والتعليم، مساء الأربعاء، إن نتيجة الصف الثاني الثانوي هي صورة أمينة للأهالي لفهم مستوى أبناءهم.

وأضاف شوقي خلال المؤتمر الصحفي الذي عقده لشرح نتيجة الصف الثاني الثانوي ونظام التقييم الجديد: «قبل كده كان فيه صورة عن مستوى الطلاب بس ما كانتش أمينة، وأنا بقول للأهالي ولادكوا شطار جدا».

وتابع شوقي: «الولاد اللي جابوا درجات منخفضة العيب فيهم مش في الوزارة، انت ضعيف في المادة، لا تلقي باللوم علينا، الوزارة بتعمل حاجة عظيمة».

وأشار وزير التربية والتعليم، إلى أن الكروت التي تصدرها الوزارة للطلاب تحتوي على قاعدة بيانات والدرجات الخاصة بهم، وهي عبارة عن روشتة توضح مهارات الطلاب، وما هو المطلوب من الأهالي تجاه أبنائهم الفترة المقبلة».

واستطرد: «نتائج الصف الاول الثانوي والثاني الثانوي ليس لها علاقة بتحديد الكلية التي سيدخلها الطالب».

وأوضح شوقي: «بندي الكارت للطالب، فهو عبارة عن روشته يقدر يعرف بيها مستواه فين ويشتغل على نفسه، الطالب بيحصل على النتيجة زي نتيجة التحليل بهدف معرفة مستواه».

ووجه الوزير رسائل للطلاب ولذويهم وللصحفيين، كما يلي:

1- لا تنصتوا إلى ما يثار حول المنظومة الحديثة، واستمروا في مسيرتكم.

2- هناك تطور ملحوظ في درجاتكم عن السنة الماضية.

3- لا تلقوا باللوم على الامتحانات الإلكترونية، بل يجب الالتفات لتطوير المهارات الحقيقة في المواد الضعيفة.

4- كان هناك إحراج من إظهار مستواكم العام الماضي، واليوم نفخر بإعلانه.

5- الكارد الخاص بالنتيجة ليس جديدا عليكم، ويجب تغيير ثقافة ناجح وراسب.

6- الشهادة التي تحصلون عليها تمنحكم القدرة على معرفة مستواكم الحقيقي.

7- في حالة ملاحظة هبوط المؤشر في أي مادة عليكم بإنقاذ أنفسكم والعمل على رفع المؤشر.

8- 70% من الصلاب سعداء بالنتيجة، وعليهم أن يقفوا لمن يحاول أن يفسد عليهم المنظومة من زملائهم الغشاشين.

 

9- رصدنا 60 ألف طالب من الغشاشين، «عارفينهم جدًا وممكن نبعت لبابا وماما نقوله إنكم غشاشين».

10- أتحدى أن يتوقع أحد منكم نتائجه كما كان سابقًا في النظام القديم.

11- سنوفر لكم الدروس وفقًا للنظام الحديث عبر بنك المعرفة.

 

لأولياء الأمور:

1- ولادكم شطار وأبهرونا بالتحسن في أدائهم والتطوير.. ودي مش كلام التعليم دي نتيجة التقييم.

2- الطلاب مبسوطين بالمنظومة وبالنتيجة، مفيش غير 10% اللي عاملين الدوشة ولا داعي للقلق.

3- ساعدوا أبناءكم على التقدم والتطور، وهناك عدالة مطلقة في الامتحانات والتصحيح.

4- بلاش توصفوا أبنائكم بـ«الشطار والخياب»، دعونا نودع سياسة التنمر.

5- «مفيش حاجة اسمها رسوب ونجاح لغيناها في النظام الجديد، ولا داعي للقلق».

6- متقلقوش اللي حصل في أولى وتانية ثانوي مالوش علاقة بالثانوية العامة.

7- تفعيل زر شكاوى في «التابلت» لتقديم الاستغاثات دون الاستعانة بأي عامل بشري.

 

للصحفيين

1- بلاش تبصوا للجزء الفاضي من الكوباية.

2- متسمعوش غير من من الوزارة والبيانات الرسمية، واللي منقولش عليه يبقى محصلش.

3- اللي هيبعت يستفسر عن شائعة هعمله بلوك.

4- اللي عاملين الدوشة دي 10 % بس من الطلاب اللي مش عارفين يطلعوا من مرحلة الرمادي، ومش هيغيروا حاجة.

5- الوزارة مبتعملش فنكوش.. لا إحنا بنعمل حاجة عظيمة.



تنفيذ و استضافة وتطوير ميكس ميديا لحلول الويب تنفيذ شركة ميكس ميديا للخدمات الإعلامية 2023