وجه الطفل صهيب عماد الطالب بالصف الاول الثانوي المعتقل علي ايدي قوات الانقلاب العسكري رسالة من محبسه اكد فيه علي صموده وصمود جميع المعتقلين معه وانه علي حد قوله لا احد قادر عليهم
وبث صهيب في رسالته اشواقه لذويه واحبابه ومطالبا الجميع بمسامحته لانه قام بمسامحة اي شخص دخل معه في نزاع سابق.
كما ذكر صهيب بانه اصبح ملتزما بالصلوات الخمس في اوقاتها وبقراءة ورد يومي من القران الامر الذي يجعله اكثر ثباتا وصمودا
ووجه صهيب في ختام رسالته دعوة لمؤيدي الشرعية بالثبات قائلا (( خليكو صامدين وحلوين كده علشان أجيب لكم توفي وأنا راجع ))
الجدير بالذكر ان قوات الانقلاب العسكري قد قامت باعتقال الطفل صهيب من منزله في ١١فبراير وقامت بتوجيه تهمة حيازة “لاب توب”
وفيما يلي نص رسالة صهيب
( بسم الله الرحمن الرحيم )
” اذا أحب الله عبدا ابتلاه ”
ازيكم و يا رب تكونوا بخير دايما أنا الحمد لله بحاول أنسي و أسامح أى حد زعلنى ف حاجة قبل كده علشان المسامح كريم
و ان شاء الله محدش يكون زعلان منى : ) وأى حد زعلان منى أحب أقوله “انا اسف ” لكن الناس اللى بتكرهنى أصلا انا بتجاهلهم تماما علشان مش بيواجهونى بالكلام و بيتكلموت من ورايا
أنا بقيت بصلي كل الصلوات في وقتها و بقرأ كل يوم ورد قرآن
انا الحمد لله بقيت كويس و المكان اللى انا فيه كويس و الناس كويسين و بنتعامل كويس علشان محدش قادر علينا أصلا
انا حاليا قاعد فى قسم تانى و احتمال كبير أروح دكرنس بس اطمنوا “محدش قدنا و معانا ربنا ” بس هيحصل اللى انا خايف منه او اللى كنت بخاف منه ::: هحلق شعرى : ( : ( : (
انا سمعت ان انا اتسيط و بقيت سوابق سوابق و القضية بتاعتى اتشهرت أحب اقولكم ” تسلم الايادى ”
و خليكو صامدين و حلوين كده علشان اجيب ليكو توفى وانا راجع
