أطلقت اعترافات أحمد ماهر مؤسس حركة 6 إبريل ردود أفعال عدة بين النشطاء على مواقع التواصل الاجتماعي، والتي كشف خلالها عن معرفته بالانقلاب على الرئيس محمد مرسي، وما ترتب عليه من افتعال لأعمال عنف من أجل الانقلاب على إرادة الشعب، والزج بقيادات وعناصر الإخوان في السجون، وإعادة العسكر من جديد إلى السلطة.
فقد تساءل الفنان محمد الصنهاوي: "يعني انت جاي بعد 10 شهور من الدم والمذابح والاغتصاب والاعتقالات الآلافية تقول لنا "كنت عارف بس كنت مكسوف" ؟!!!، يعني انت من فبراير 2013 كنت عارف إن الجيش بيجهز (((لافتعال العنف ومزيد من الدماء)))؟!!".
وتابع: "ورغم إنك عارف إن العسكر ومخابراتهم اللي كانوا بيجهزوا لها سمحتم لنفسكم تتنططوا كل شوية في قناة وتقعدوا كل ليلة على حجر مذيعة شكل تتكلموا عن ميليشيات الإخوان، ومرسي القاتل؟!!!".
بينما وجه ناشط آخر حديثه لماهر، قائلا: "كنت عارف إن الجيش بيجهز لانقلاب وكمان عارف إنه في يوليو، وبرضه قعدتم تحشدوا لـ 30 يونيو وانت بنفسك على صفحتك افتخرت بإن 6 إبريل جمعت مليون ونص توقيع لتمرد زي ما ادعيت ؟!!".
وتساءل أحدهم: "يعني انت كنت عارف وعارف الموعد كمان وعارف إن " تمرد " دي اللي بيحركها العسكر .. وبرضه جمعت توقيعات وافتخرت وحشدت لـ 30 يونيو اللي انت عارف إن الجيش جاي يركب فيها ويقتل ويدبح ؟!!! وكتبتم في بيانكم يوم 3 يوليو إنكم بتثمنوا تحرك المجلس الأعلى للقوات المسلحة وحرصه على وحدة الوطن ؟!! والإخوان هما اللي خونة وهما اللي أغبيا وهما اللي اتحالفوا مع العسكر ؟!!".
وقال محمد: "كنت عارف إن الجيش بيجهز لافتعال العنف ومزيد من الدماء، وبرضه فتحتم صفحاتكم للحشد عند المقطم ومقرات الحرية والعدالة واشتركتم في تأجيج كل مواطن الدم ولفيتم – وانتم عارفين إن العسكر اللي بيشعللوها ويرتبوها – تقولوا " الإخوان القتلة " ؟!!".
وتعجب مدون آخر من تراجع ماهر، قائلا: "وكنتم عارفين من فبراير إن الجيش بيجهز لانقلاب … ورافضين عودة الرئيس الشرعي اللي الجيش كان بيخطط للانقلاب عليه ؟!! طيب ادونا البلغ اللي في جماجمكم طيب نشوف انتم شايفين العالم ازاي !!!".
واستنكر أحدهم، ذاكرا: "بعد 10 شهور جاي تقول: ((للأسف كنت أعلم)) ؟!! أصرف أسفك منين يا ابن **** دلوقتي ؟!! تعرف ترجعلي " عبد الرحمن جودة " يا ابن **** بأسفك ده ؟!! تعرف ترجع ضفر أي شهيد ؟!! تعرف تروح لبنت مغتصبة تقول لها: آسف أنا كنت عارف بس قلت نشيل مرسي وبعدين يحلها الحلال؟!!".
