يعاني مجلس مدينة المطرية بالدقهلية من سوء تخطيط وإهدار المال العام لمواطني مدينة المطرية، وآخرها إنشاء موقف للسيارات المتجهة لمدينة بورسعيد وصرف عليه الآلاف من الجنيهات وعدم استخدامه، بل أصبح بمثابة جراج خاص للعربات الملاكي لأغنياء المدينة؛ ما أثار غضب العديد من المواطنين.
يقول الحاج عماد السيد “أنا مش عارف مجلس المدينة عاوز إيه بالظبط؟ عمالين يضيعوا فلوس في الهوا، بدل ماتعمل موقف ومتستخدموش طب متعمل حاجة تفيد المواطنين الغلابة في المدينة، هما يقبضوا فلوس واحنا في الآخر الضحية”.
وقال المواطن السيد أحمد: “المفروض يتعمل كشك خشبي بجانب الموقف ده ويجيبو كام موظف من المجلس يديروا الموقف عشان متروحش الفلوس علي الفاضي”.
وأضاف أحمد الشحات: “السيسي جايبلنا شوية حرامية، حرام كدا يعني مش كفاية بيقتلونا كل يوم في الشوارع عاوزين ينهبوا البلد ويمشوها للاغنياء فقط”.
واختتمت أم شيماء وقالت: “الفلوس ال اتصرفت في الموقف دا كانت كفيلة إنها تحل بحيرة المنزلة من البلطجة، لكن احنا مش فاضيين نجيب حق الصياد الغلبان اللي بيموت كل يوم، إنما الغني نعمله موقف عادي”.
الجدير بالذكر أن هذا الموقف هو الثاني من نوعه؛ ففي عهد المخلوع حسني مبارك تم إنشاء موقف خلف مجلس المدينة وتم السيطرة عليه من الباعة الجائلين، وتم سرقة فوانيس الإضاءة منه، وتم تدمير أجزاء منه.
