تتعرض زراعة القمح بمحافظة البحيرة، هذا العام، إلى مشاكل عدة؛ منها هطول الأمطار والسيول التي أغرقت آلاف الأفدنة، ورفع الدعم الحكومي عن الفلاحين، ونقص الأسمدة في الجمعيات الزراعية وارتفاع أسعارها في السوق السوداء.
أعلنت الحكومة تحديد توريد محصول القمح لهذا العام بـ420 جنيهًا للإردب، وهو سعر مماثل للعام الماضي.
يقول محمود خليفة: “السنة دي احنا زرعنا قمح وأول مشكلة قابلتنا السيول اللي بهدلت الدنيا والمياه اللي غرقت الأراضي لأسابيع وفساد البنية التحتية وعدم تصريف مياه الري ما تسبب في إتلاف العديد من الأراضي”.
ويعلق عيد الرميحي: “أنا كمزارع دلوقتي عايز السعر يعدي الألف جنيه للإردب عشان عايز أكسب، ولما احط نفسي مكان الناس الغلابة اللي في البيوت يبقي هيتخرب بيوتهم.. المفروض الحكومة تشتري القمح بسعر كويس من الفلاح وتدعمه للمواطنين”.
وترى مديحة سامي، ربة منزل، أن سعر 420 جنيهًا للإردب، هيبقى غالي على الغلابة.
ويضيف منير الشناوي “كل حاجة غالية والأسعار نار وأنا متوقع إن سعر القمح اللي الحكومة اعتمدته 420 جنيهًا للإردب هيزيد عن كده بسبب رفع قيمة الدولار، واحنا لسه داخلين على أيام سودة”.
