اعتبر الإعلامي الساخر باسم يوسف بأن نظام عبدالفتاح السيسي هو نفسه المؤامرة على البلاد.
وقال يوسف إنه لا يؤمن بنظرية المؤامرة، لكنه تساءل: “لو فيه مؤامرة فعلا على مصر، هتعمل إيه أكتر من كده”، في إشارة منه إلى تردي الأوضاع السياسية والاجتماعية في مصر.
وأضاف يوسف، عبر منشور له على صفحته بموقع التواصل الاجتماعي “فيس بوك”: “طول عمري ماليش في نظرية المؤامرة. أصل لو فيه مؤامرة فعلا على مصر، حتعمل إيه أكتر من أنها تخرب الاقتصاد والجنيه وتصرف مدخرات البلد في مشروعات وهمية، وتروج لإنجازات كفتة، وتصدر أوسخ ما فيكي يا بلد في الإعلام، وتقبض على الشباب في بيوتهم وتخلي منظرنا زبالة في العالم كله وتعذب أجانب ومصريين بدون تفرقة وتعتقل اللي بيطالب بوحدة الأراضي المصرية، وتحمي مظاهرات رافعة أعلام دولة تانية وتحتفل بالتنازل مش بس عن الجزيرتين”.
وأضاف: “لكن بتخلي مصر عن مجرى ملاحي هو الأهم في المنطقة وتحويله لمجرى دولي وفقدان السيطرة عليه واستقبال وفد إسرائيلي صناعي لأول مرة، والمطالبة علنا بتوسيع كامب ديفيد، وتوقيع اتفاقيات تسمح لإثيوبيا أنها تتغول على ميه النيل واتفاقيات تضيع حقنا في الغاز مع قبرص وصرف أموال البلد في كمية سلاح إحنا مش محتاجينه، ورمي جنود الجيش في كمائن ثابتة تنضرب تلاتين مرة وانهيار مرعب في الصحة والتعليم.. أنتم المؤامرة”.
