ارتفعت أسعار الخضروات في مدينة سنورس بمحافظة الفيوم، تزامنًا مع دخول عيد الأضحى المبارك.

تراوح سعر الطماطم من 7-9 جنيهات، والخيار 4 جنيهات، والكوسة 7 جنيهات، والباذنجان 4 جنيهات، والفلفل الأخضر 5 جنيهات، أما عن الفاكهة فأسعار المانجو تراوحت ما بين 10-12 جنيهًا للكيلو، والجوافة 8 جنيهات للكيلو، والعنب من 6-10 جنيهات للكيلو.

برر البائعون ارتفاع الأسعار بسبب ارتفاع أسعار الجملة.

يقول شعبان عبدالحفيظ: “العيد خلاص قرَّب وأنا عندي بنتين متجوزين المفروض لازم اودى لكل واحدة عشا والعشا ده يتكلف مش أقل من 400 جنيه في ظل الغلاء اللي انا فيه ده يبقى علشان أودى الاتنين يبقى عايز مش أقل من 800 جنيه وأنا قبضي مش مساعد..مش هنقول غير حسبنا الله ونعم الوكيل”.

وأكد علي عبدالعزيز “أنا رب أسرة وأعول أربعة أبناء وزوجتي وأمي فأقل حاجة هجيبها حوالي 5 كيلو طماطم و5 كيلو باذنجان و2 كيلو فلفل و3 كيلو خيار و3 كيلو كوسة ومش أقل من 2 كيلو لحمة والكيلو دلوقتي بـ75 جنيه، ده طبعًا غير الفاكهة، يعني في الأسبوع مش أقل من 500 جنيه وأنا شغال مدرس ومرتبي 1500 جنيه أجيب بقى لده كله منين”.

وأضافت سحر متولي “أنا علشان اروح السوق لازم يبقى معايا 400 جنيه الحاجة اللي بجيب منها 4 كيلو بجيب منها دلوقتي 2 كيلو بس علشان الحاجة غالية والمرتبات بتقل قيمتها”.