أعرب الفنان محمد عطية، عن دهشته من وجود من يؤيد عبدالفتاح السيسي حتى الآن، رغم كل ما يحدث على الساحة من مستجدات لم تحدث من قبل في التاريخ.

وقال -عبر منشور له على “فيس بوك”-: “طفل عنده 4 سنوات محكوم عليه بمؤبد، وأحمد ناجي اتحبس سنتين عشان رواية، والسيسي بيقولك التنمية هتتحقق 2063، وانهيار في كل حاجة وبلطجة الداخلية وإعلام يقرف”.

وأضاف “عطية”، “يا جدعان والله كفاية كده.. إنتو شايفين إيه إحنا مش شايفينه؟؟.. اللي بيحصل ده ماوردش في التاريخ… نعمل إيه ونقول لمين ونكلم مين… ده لو فيلم خيال علمي هحسه “أوفر” والله.. المشكلة إن لسه في ناس بتأيد.. يا جدعان فوقوا بقي أبوس إيديكوا.. ملعون أبو العند اللي انتو فيه… مش كده يا جماعة والله.. كل حاجة وليها حدود.. مش كده”.

قال عبدالفتاح السيسي، خلال كلمته في افتتاح منتدى إفريقيا 2016 بمدينة شرم الشيخ: إن “عام 2063 سيكون رؤية إفريقية لتحقيق التنمية الشاملة”.

وقضت محكمة جنايات شمال القاهرة، بقبول الاستئناف المقدم من النيابة العامة على براءة أحمد ناجي، الصحفي بجريدة “أخبار الأدب”، وطارق الطاهر، رئيس تحرير الجريدة، الصادرة من محكمة أول درجة، بتهمة نشر مواد أدبية تخدش الحياء العام وتنال من قيم المجتمع، وأصدرت حكمها بحبس أحمد ناجي سنتين وتغريم طارق طاهر 10 آلاف جنيه.

وقضت محكمة عسكرية بالمؤبد على 116 متهمًا في إحدى القضايا بالفيوم، كان من بينهم طفل يبلغ من العمر 4 سنوات، وفق ما قاله محامي المتهمين؛ على خلفية اتهامهم بالتجمهر وقتل 4 متظاهرين.